Devezh staj war ar sevel pennadoù kazetennerezh

gant Skipailh Bremañ

C’hoant hoc’h eus da sevel penn­adoù kazetennerezh e brezhoneg, met ne ouzoc’h ket tre penaos ober ? Savet hoc’h eus pennadoù c’hoazh, nemet e karfec’h bezañ muioc’h en hoc’h aez. Ar staj aozet gant Skol an Emsav a zo aozet evidoc’h.

PAL

Deskiñ teknikoù efedus evit sevel pennadoù kazetennerezh eo pal ar stummadur. Evel-se e viot gouest da reiñ plijadur ha deskamant d’al lennerien : sachañ evezh al lenner hag ober ma lenno ho pennad penn-da-benn hep diskregiñ a-raok ar fin.

STUMMER – FULUP LANNUZEL

Skrivagner (Koroll an dasorc’h, Kaour ar Barzh, galeour, Pik pe vran, Mall achap !)
ha saver pennadoù kazetennerezh (Bremañ, Al Lanv, Al Liamm…)

FRAMM AN DEVEZH

Diouzh ar mintin
Doare ar skridaozañ : ar goulennoù diazez, ar c’hogn, ar frazennadur, ar stil, ar c’hrog kazetennerezh…
Adskrivañ ur pennad skouer.
Pred asambles
D’endervezh
Pleustriñ war ur pennad da sevel : labour dre strolladoù bihan war un danvez bet dibabet a-raok. Kinnig labour ar strolladoù ha dielfennañ a-stroll.