gant Patricia Pastrana-Le Gall
Aozennoù evit 4 den
Evit an toaz
400g bleud T45 pe 55
4 vi
3 loaiad eoul olivez
1 meudad holen
Evit ar farz
300g pinochez skornet
250g ricotta
2 oeñs kignen
Evit ar bouilhoñs
1 litrad bouilhoñs kig-yar saouret
gant ur boked saoj
ha gant keuz parmezan rasklet
- Skuilhañ ar bleud war an daol ha kleuzañ un doare puñs e-barzh, lakaat ennañ ar vioù, eoul ha holen.
- Meskañ mat gant an daouarn ha gant nerzh betek ma vo unvan an toaz, ober ur voul gantañ ha leuskel a-gostez, goloet gant un torchouer.
- Skuilhañ 1 loaiad eoul olivez e-barzh ur baelon gant ar pinochez, an 2 oeñs kignen troc’het munut, pebr ha holen. Lakaat da resediñ e-pad un nebeud munutennoù. Ouzhpennañ ar ricotta ha meskañ. Lezel da yenañ a-raok farsañ ar ravioli.
- Skuilhañ 1 litrad dour en ur gastelodenn vras, gant un diñs bouilhoñs kig-yar hag ar boked saoj.
- Divrannañ an toaz etre daou, ledañ an div lodenn, troc’hañ an toaz ledet a-vandennoù hirgarrezek, lakaat ul loaiad vihan farz war pep bandenn ha plegañ anezho da stummañ ravioli, serriñ ar c’hostezennoù. Soubañ ar ravioli e-barzh ar bouilhoñs kig-yar ha tommañ. Poazh e vo ar ravioli pa savint war gorre an dour.
- Servijañ ar ravioli e-barzh asiedoù don, tennañ ar boked saoj eus ar bouilhoñs, skuilhañ anezhañ war ar ravioli ha strewiñ parmezan warno.
