gant Patricia Pastrana-Le Gall
Aozennoù evit 30 lodenn mui pe vui
300 g fekulenn avaloù-douar pe maiz
200 g amanenn
2 loaiad kafe pe 10 g bikarbonat
10 g goell kimiek pe ur sac’hig
200 g bleud T45 pe T55
3 vi + 2 velen vi
1 loaiad rusk sitroñs
200 g bleud sukr
1 loaiad kafe vanilhez
300 g karamel sall pe koñfitur laezh
100 g kokoz rasklet
- Meskit ar bleud, ar fekul, ar bikarbonat hag ar goell kimiek.
- Basit an amanenn gant ar bleud sukr evit tapout un amanenn blotaet ha skuilhit ar vioù hag ar melen vioù, unan hag unan.
- Lakait ouzhpenn an aozennoù sec’h dre ur sil, tamm-ha-tamm, ha meskit mat evit sevel un toaz blot. Pakit en ur film plastek ha lakait er yenerez e-pad 30 munutenn.
- Ledit an toaz gant ur ruilhenn war un tamm paper sulfurekaet ( ½ cm). Troc’hit kelc’hioù 4 cm pe 7 cm ennañ gant un didammer.
- Poazhit war ur blakenn ur follenn baper sulfurekaet er forn da 180°C e-pad 8-10 munutenn.
- Savit pep gwispidenn gant daou damm toaz peget gant karamel sall pe koñfitur laezh ha ruilhit anezho war gokoz rasklet.
