Fish and chips

gant Valérie Kervella

Aozennoù (evit 4 den)

4 zamm pesked gwenn
2 wenn-vi pebret ha holenet en un asied don
150 g bleud en un asied don
paladur en un asied don
louzeier fresk (kokatris, fanouilh-gad, perisilh, tin…)
1 sitroñs melen
500 g tomatez pilet
35 g mel
30 g sukr
100 g jinjebr fresk pe 30 g jinjebr poultr
1 ivin kignen
1 pimant pili-pili
70 g gwinegr balzamek
1 kg patatez (bintje)
eoul olivez

Aozañ

1. Evit ar c’hetchup : En ur gastelodenn, prientit ar c’haramel. Lakait ar sukr da virviñ gant ar mel. Ouzhpennit ar gwinegr, meskit mat.
2. Ouzhpennit ar jinjebr, ar pimant hag an ivin kignen. Ouzhpennit an tomatez, meskit mat. Laoskit da vitonañ war dan bihan betek ma vo poazh ar pesked hag ar fritez.
3. Evit ar pesked : Meskit ar paladur gant al louzeier fresk troc’het munut ha rusk ar sitroñs.
4. Holenit ha pebrit ar pesked.
5. Trempit ar pesked en asiedad bleud 2 wech.
6. Trempit ar pesked er gwenn-vi.
7. Trempit anezho er paladur.
8. En ur billig, lakait eoul olivez, ouzhpennit un tamm amann ha lakait ar pesked enni.
9. Poazhit anezho, cheñchit tu dezho ha strimpit anezho gant an amann.
10. Evit ar fritez hep friterez : Troc’hit ar patatez a-dammoù.
11. Rakpoazhit anezho en dour berv e-pad 5 munut. Dizourit anezho.
12. War ur blakenn goloet gant paper parch, lakait ar fritez, arabat dezho bezañ stok-ha-stok.
13. Holenit ar fritez, skuilhit warno ur banneig eoul olivez.
14. Lakait ar fritez er forn domm (220°C) e-pad 20-25 munut.