gant Alice Armenio Coïc
Aozennoù
Saladenn
Morgad / morgazh
Avaloù-douar
- Poazhañ ar morgad er vurezh pe en dour.
- Lakaat an avaloù-douar da boazhañ met pas re, ret eo dezho chom parfet.
- Lakaat da yenaat.
- Troc'hañ pep tra e lodennoù bras ha meskañ mat gant an aioli.
- Mirout er yenerez.
Aioli
1 melen-vi
Eoul (arabat implijout eoul olivez, re greñv e vefe ar blaz)
Sezv
Chug sitroñs (da zibab met mat-tre eo gant ar boued-mor)
Kignen
Perisilh
- Meskañ ar melen-vi, ar sezv, ar chug sitroñs, holen ha pebr.
- Ouzhpennañ an eoul a-nebeudoù en ur veskañ kreñv. Diwallit da ouzhpennañ re a eoul war un dro pe ne vo ket mat.
- Pa vez prest ar maionez, ouzhpennañ ar c’hignen troc'het munut hag ar perisilh.
